चालू घडामोडी (१ जून २०२२)
नॉर्वे बुद्धिबळ स्पर्धात आनंदचा कार्लसनवर विजय :
- भारताचा आघाडीचा बुद्धिबळपटू विश्वनाथन आनंदने नॉर्वे बुद्धिबळ स्पर्धेच्या अतिजलद (ब्लिड्झ) स्पर्धाप्रकारातील सातव्या फेरीत विश्वविजेत्या मॅग्नस कार्लसनवर दिमाखदार विजय मिळवला.
- मात्र तरीही स्पर्धेअखेरीस त्याला चौथ्या क्रमांकावर समाधान मानावे लागले.
- आनंदने अनिश गिरी (नेदरलँड्स) आणि मॅक्सिम वॅचिअर-लॅग्रेव्ह (फ्रान्स) यांच्याकडून अनुक्रमे चौथ्या आणि नवव्या फेरीत पराभव पत्करला.
- परंतु 10 बुद्धिबळपटूंचा समावेश असलेल्या अतिजलद स्पर्धेत आनंदला 5 गुण मिळवता आले.
- काही दिवसांपूर्वी भारताचा युवा बुद्धिबळपटू आर. प्रज्ञानंदनेही अतिजलद बुद्धिबळ स्पर्धेत कार्लसनला हरवण्याची किमया साधली होती.
विश्वचषक नेमबाजी स्पर्धात भारताच्या महिला रायफल संघाला सुवर्णपदक :
- ईलाव्हेनिल वालारिवान, रमिता आणि श्रेया अग्रवाल यांनी अजरबैजानमधील बाकू येथे सुरू असलेल्या ‘ISSF’ विश्वचषक नेमबाजी स्पर्धेतील महिलांच्या 10 मीटर एअर रायफल सांघिक गटात सुवर्णपदक मिळवत भारताच्या पदकांचे खाते उघडले.
- सुवर्णपदकाच्या लढतीत भारतीय महिला त्रिकुटाने डेन्मार्कच्या अ‍ॅना निलसन, एमा कूच आणि रिकी माएंग इब्सनला 17-5 असे नमवले.
- पोलंडला या स्पर्धेत कांस्यपदकावर समाधान मानावे लागले.
- माजी अग्रमानांकित व्हालारिवान, रमिता आणि श्रेया यांनी सोमवारी दोन टप्प्यांच्या पात्रता फेरीतून अंतिम फेरीत धडक मारली होती.
- भारतीय महिलांनी पहिल्या टप्प्याच्या पात्रता फेरीत 90 फैरींमध्ये 944.4 गुणांची कमाई करत अव्वल स्थान मिळवले.
आशिया चषक हॉकी स्पर्धात भारत अंतिम फेरी गाठण्यात अपयशी :
- दक्षिण कोरियाविरुद्धच्या ‘अव्वल-4’ फेरीतील सामन्यात भारताच्या युवा हॉकी संघाने प्रभावी आणि वेगवान खेळ दाखवला.
- परंतु विजयाऐवजी 4-4 अशी बरोबरी पत्करल्यामुळे मंगळवारी गतविजेता भारतीय संघ आशिया चषक हॉकी स्पर्धेची अंतिम फेरी गाठण्यात अपयशी ठरला.
- मलेशियाने जपानला 5-0 असे हरवल्यामुळे भारताला अंतिम फेरी गाठण्यासाठी विजयाची आवश्यकता होती.
- ‘अव्वल-4’ फेरीअखेरीस भारत, मलेशिया आणि कोरिया या तिन्ही संघांच्या खात्यावर प्रत्येकी पाच गुण जमा होते.
दिनविशेष :
- १ जून जागतिक दुध दिन
- पहिले भारतीय सनदी अधिकारी (ICS) सत्येंद्रनाथ टागोर यांचा जन्म 1 जून 1842 रोजी झाला.
- फिंगरप्रिंटिंगचे जनक हेन्री फॉल्स यांचा जन्म 1 जून 1843 मध्ये झाला.
- विष्णुपंत गोविंद दामले, शेख फत्तेलाल, व्ही. शांताराम व केशवराव धायबर यांनी प्रभात फिल्म कंपनीची कोल्हापूर येथे 1 जून 1929 मध्ये स्थापना केली.
- मुंबई व पुणे दरम्यान, डेक्कन क्वीन ही ट्रेन आहे 1 जून 1930 रोजी सुरू झाली.
- 1 जून 1945 रोजी टाटा मूलभूत संशोधन संस्थेची (टाटा इन्स्टिट्यूट ऑफ फंडामेंटल रिसर्च) प्रतिष्ठापन केले आहे.
